آراء رياضيةرياضة

شيكابالا تاجر السعادة وفخ المتربصين

-بقلم.دينا نجم
الحق يا فندم، احنا في مصيبة كبيرة..
– ايه يابني مالك فيه إيه؟
– شيكا يا فندم.. محمود عبد الرازق شيكابالا عمل ماتش هايل امبارح وصوره وبوستاته مغرقة الفيسبوك انهاردة..
– طب مالك مخضوض كده؟! سهلة وبسيطة.. شوفلي شريط الماتش ودور لي على أي لقطة ممكن نمسكها عليه ونغلوش..
– هو فيه يا فندم.. فيه لقطة راح فيها للجمهور يحتفل معاهم فالجمهور شتم الأهلي
– بس خلاص هي دي
– بس هو مشتمش معاهم يا فندم
– اه بس وقف يتفرج! مقالهمش عيب ليه؟
– بس دول ٢٠ ألف واحد يا فندم!
– مسابهمش ومشي ليه؟
– بس لو تفتكر يا فندم فيه اتنين لاعيبة من عندنا اخر ماتش في الدوري عملوا نفس الحاجة ووقفوا يغنوا مع الجمهور وهو بيسخر من الفريق المنافس يا فندم.. فلو قلنا كده الفيديو ده هيطلع
– السخرية غير الشتيمة.. احنا مشتمناش..
– بس كابتن فريقنا السابق طلع شتم الفريق المنافس في فيديو من شهرين
– أديك قلتها.. السابق
– بس احنا معترضناش.. وفيه ناس من عندنا عملوا شير للفيديو وكانوا فرحانين بالشتيمة
– خلاص خلاص محلولة.. طلعلي كام احصائية من بتوع لاعبنا سامبو اللي جايب ٩٢ بطولة ولاعبينا رامبو اللي جايب ١٠٢ بطولة واعملهم رسم بياني مع ارقام شيكا وارسم عليهم مثلث برمودا وقول ان ده يثبت ان سامبو ورامبو أحسن من شيكا بتاعهم ده
– بس سامبو مكانش ليه دور خالص في البطولات دي يا فندم.. ورامبو انا نفسي لو شفته في الشارع مش هسلم عليه.. شيكا جمهورنا لو شافه فيه منهم هيروحله
– شيكا مين يابني! انت اتجننت! ده لعيب تعبان ملوش لازمة!
– بس احنا بقالنا يومين بنتكلم عليه يا فندم

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق